PHILOSOPHA Anicula

PHILOSOPHA Anicula

φιλόσοφον γραΐδιον, Marcus Antoninus Imperator, ab Avidio Cassio dictus est; apud Vulcatium Gallicanum in Vita huius c. 1. Ita enim apud Scriptorem hunc Verus Imperator Ep. ad Marcum: Avidius Cassius avidus est Imperii --- literas nostras ridet. Te Philosopham aniculam, me luxuriosum morionem vocat Ubi non mutandum Philosopham in Philosophum, ut quidam faciunt: magnô enim contemptu ne Philosophum quidem Marcum appellabat Cassius; sed Philosopham aniculam, Salmas. Ad l. Fuit autem is Marcus, quem Iul. Capitolin. c. 1. in omni vita philosophantem virum, et recentiores Critici Philosophum cognomentô hôc eius titulis additô appellare consueverunt. Idem φιλοσοφώτατος dicitur Nov. 22 et Philosophiae plenissimus, in Constitut. quadam Latina. Philosophi enim epigraphen non esse veterem et nummi eius et veter. monumentorum Inscriptiones liquide docent adeoque sapientissimus hic Princeps, iam inde a puero per omnem vitam Philosophatus, cum ab antiquis Scriptoribus Philosophus legitur appellatus, ἐπιθέτως id omninio, non ἐπονύμως fit, et sic plane, ut Iulium virum fortem, Augustun: felicem, Caligulam insanum saepedicimus. Unde nec apud Capitolin. aut Victores ambos; nec apud Eusebium ac Hieronymum, ulla huius cognominis vestigia. Imo nec adeo multi videntur esse anni, cum in valuit hic error: Nam ex tot Chronicis, quae vigente, priorum saeculorum barbarie, hominibus illiteratissimis amor rerum veterum expressit, pauca melioris notae invenias, quae in vita Marci titulum hunc agnoscant: ne Robertus quidem a Porta aliter, quam Marcum Antonium (voluit dicere Antoninum) hunc nominat. Videtur aliquis sciolus, ante hos ducentos circiter annos, cum Xiphilini epitomem describeret, in titulo vitae Maric de suo vocem illam adiecisse: quam vocem omnes postea Graeci Latinique librarii temere retinuerunt. Sic etiam librorum Marci epigraphen eruditissimus Interpres censuit corrigendum: et tamen idem ultro παραδιόρθωσιν hanc suam lectoribus non dubitat imputare. Simillimum est, et quod apud Georgium Monachurn observabamus: nam cum ille Philosophi cognomen non magis Marco tribuat, quam Eusebius; in ora tamen eius libri haec verba videntur annotata: Μάρκος Ἀυρήλιος ὁ φιλόσοφος; sed manu ita recente, ut vix annorum quinquaginta vetustatem scriptura praeferat: cum exemplar regium ante annos minimum quingentos sit descriptum, Casaub. ad Iul. Capitolin. in Marco Anton.